Tre persona kanë tentuar të përfitonin një sasi të madhe parash në Greqi nëpërmjet falsifikimit të dokumenteve
Ata janë një 60-vjeçar nga Shqipëria, një 40-vjeçare dhe një 55-vjeçare me shtetësi greke, banues në Janinë, të cilët u arrestuan ditën e djeshme gjatë një operacioni të policisë greke duke u përpjekur që të kryenin një transaksion bankar me vlerë 50 milionë Dollarë.
Depozitimi do të kryhej përmes dokumenteve të falsifikuara nga tre të arrestuarit, por gjithçka përfundoi pasi ata ishin pikasur nga hetuesit grek.
Gjatë kontrolleve në banesat e tyre, policia gjeti dhe sekuestroi dy vula dhe dokumente që ishin përdorur për transaksionet bankare.
