Gjëja që na pëlqen më shumë në ceremonitë e ndarjes së çmimeve, përveç faktit që shohim aktorët/këngëtarët tanë të preferuar të shkëlqejnë me batuta dhe performanca, janë edhe veshjet e tyre. Tashmë t’ja dalësh të futesh në listën e të veshurve më mirë, është po aq e rëndësishme sa të marrësh çmim, e nëse futesh te ajo lista tjetër, epo në Hollyëood duket se nuk u intereson kjo, mjafton të flitet për ta.
E meqë jemi te veshjet, kur pashë fotografitë e para mendova për një moment se tema ishte rikthimi i modës së fillimit të viteve 2000, por nuk ishte e vërtetë. Në fakt, thjesht disa personazhe kishin zgjedhur të visheshin sipas asaj mode, dhe nuk mund të vepronin më gabim.
Moda e fillimi të viteve 2000 është nga më të tmerrshmet dhe të gjithë shpresojnë të mos kthehet kurrë. Atëherë, pse duhet ta bësh këtë zgjedhje pikërisht në tapetin e kuq? Përveç kësaj, Amber Rose dhe Blac Chyna të cilat historikisht janë renditur si të veshurat më keq, përse nuk kanë zënë mend akoma por vazhdojnë të zhvishen në formën më qesharake?
Nuk do ta dimë kurrë, por nëse nuk i keni parë ende fotografitë e tyre, hidhini një sy këtu:
E.Lika/Opinion.al
