Sekuestrohen në kufirin greko-shqiptar 125 kg marijuanë, ndërsa në pranga ranë 7 shqiptarë. Policia greke ka pikasur mbrëmë në darkë një grup prej 7 personash që po kalonte më këmbë kufirin. 6 prej tyre mbanin në krahë nga një çantë dhe 1 kontrollonte rrugën.
Gjatë ndërhyrjes, policia zbuloi se në 6 çantat ndodheshin 111 pako me 124 kg 790 gram marijuanë.
Po ashtu raportohet se një 22-vjeçar rezulton i kërkuar në Greqi, i dënuar në Lamia me 6 muaj burg për vjedhje dhe ndalohej hyrja për në shtetin helen. Sakaq, policia sekuestroi edhe 4 celularë.
Prej fillimit të vitit e deri sot, në Igumenicë, Korfuz, Lefkadha, Kefalonia, Janinë, Athinë, Selanik, Artë, Aitiloakarnania, Kostur, Grevena, Follorinë, Aleksandroupoli etj., policia greke ka sekuestruar rreth 8.6 ton marijuanë që vinte nga Shqipëria./Balkanweb.com
