Policia greke ka ndaluar 39 emigrantë, përfshirë edhe 15 të mitur, të cilët tentuan të hynin në vend nga Turqia duke kaluar lumin Evros në kufi me Turqinë.
Grupi përfshinte 13 burra, 11 gra dhe 15 të mitur, tha policia në një deklaratë, pa bërë të ditur kombësitë.
Emigrantët u dërguan në ishull me një gomone nga një kontrabandist në anën turke të lumit dhe u lanë atje, tha policia.
Athina në vitin 2020 ngriti një pengesë çeliku 37.5 kilometra (23 milje) në këtë zonë të largët verilindore pasi dhjetëra mijëra emigrantë u përpoqën të të kalonin kufirin tokësor me Turqinë, duke u përplasur për ditë me radhë me forcat greke të sigurisë.
Me vendin drejt zgjedhjeve të përgjithshme të këtij muaji, qeveria konservatore është zotuar të zgjasë barrierën me 35 kilometra të tjera deri në fund të vitit.
Ministri i policisë së Greqisë ka thënë se rreth 265,000 emigrantëve iu ndalua hyrja ilegalisht në vend vitin e kaluar.
Turqia dhe grupet e të drejtave të njeriut akuzojnë Greqinë për shtyrjen e azilkërkuesve përtej kufirit.
Athina e mohon këtë, pavarësisht dëshmive të shumta nga viktimat e supozuara./Opinion.al
