Arbër Çekaj dhe Fatmir Pjetri, dy të dënuarit që tentuan të arratisen nga burgu 313 në kryeqytet kanë dalë ditën e sotme para gjykatë.
Ndaj tyre është ngritur akuza e përpjekjes për arratisje dhe goditje për shkak të detyrës, pasi gjatë kohës që tentuan arratisjen dhunuan një punonjës të burgut.
Por Çekaj dhe Pjetri nuk duken të shqetësuar, madje shfaqen të buzëqeshur në seancën e sotme ku do të njihen me masën e re të sigurisë.
Kujtojmë se Çekaj, i dënuar për trafik droge, dhe Pjetri, për një seri grabitjesh me armë, kishin improvizuar një litar disa metra të gjatë me të cilin zbritën nga zona e sigurisë së lartë. Gjithashtu ata kishin përshtatur një shufër hekuri si çengel për t’u kapur në tarracë.
Dy të dënuarit shfrytëzuan momentin kur rreth orës 15:00 të së dielës gardianët u shpërqendruan nga tentativa për vetëvrasje e një të paraburgosuri tjetër për t’u arratisur.
Ata janë hedhur nga zona e ajrimit mirëpo u kapën nga gardianët e tjerë./Opinion.al
