Tetëmbëdhjetë migrantë u plagosën teksa përpiqeshin të mbërrinin në mënyrë të paligjshme në Bashkimin Evropian, përmes kufirit të Bosnjës me Kroacinë.
Autoritetet boshnjake deklaruan se migrantët, të gjithë burra nga Pakistani dhe Iraku, u dërguan në një spital nga policia por nuk dhanë detaje të tjera mbi incidentin. Nga ana tjetër mjekët thanë se gjashtë prej tyre kanë lëndime të rënda.
Më shumë se 40.000 migrantë dhe refugjatë kanë hyrë në Bosnje që nga viti i kaluar, me shpresën për të kaluar në Kroaci dhe që andej në Evropën perëndimore.
Ndaj policisë kroate, ka pasur vazhdimisht akuza për përdorim të dhunës gjatë dëbimit të migrantëve, në zonën kufitare, por pretendimet janë mohuar nga zyrtarët kroatë./Opinion.al
