Një 17-vjeçar është arrestuar pasi tentoi t’i largohej policisë.
Mësohet se automjeti në të cilin lëvizte i mituri është sinjalizuar për të ndaluar, me qëllim kryerjen e kontrolleve.
Pavarësisht sinjalit, ka vijuar me shpejtësi lëvizja me automjet dhe 17-vjeçari ka hedhur nga xhami, disa doza kanabis që kishte me vete, me qëllim shitjen.
Policia i është vënë menjëherë në ndjekje dhe kanë mundësuar kapjen dhe ndalimin e tij.
Gjatë kontrollit në banesën e tij, janë gjetur rreth 1.3 kg lëndë kanabis që dyshohet se posedohej me qëllim ndarjen dhe shitjen në doza.
Veprimet procedurale me të miturin vijojnë të kryhen në prezencë të prindit, psikologut dhe mbrojtësit ligjor. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./Opinion.al
