Një 44-vjeçar është arrestuar nga policia, pasi ka tentuar të vrasë me sende të forta një person. Bëhet fjalë për A. P., 44 vjeç, banues në fshatin Shkafane, Durrës.
Policia bën me dije se shkak i ngjarjes ka qenë një konflikt për motive të dobëta,
Nga veprimet hetimore dyshohet se ky shtetas, gjatë një sherri, në fshatin Shkafane, Durrës, ka tentuar të vrasë me send të fortë (shkop bejsbolli), shtetasin K. S., 46 vjeç, banues në fshatin Kullë, Durrës, i cili ndodhet jashtë rrezikut për jetën.
Materialet i kaluan Prokurorisë, për veprime të mëtejshme, për veprën penale “Vrasja me dashje”, mbetur në tentativë.
