Tentoi të vidhte me dhunë 3 shtetase të huaja, arrestohet një 18 vjeçar në Durrës. Gjithashtu, uniformat blu kanë zbardhur dhe dokumentuar dhe 2 vjedhje të tjera të kryera me dhunë po nga ky shtetas.
Finalizohet operacioni policor i koduar “Provat”, ku u arrestua D. A., banues në Durrës. Sipas policisë ky shtetas dyshohet se në orët e para të mëngjesit në lagjen nr. 13, Durrës, ka tentuar t’iu vjedhë me dhunë sendet personale, 3 shtetaseve italiane.
Gjithashtu, nga hetimet dyshohet se ky shtetas, brenda dy ditëve ka thyer xhamat e dy automjeteve duke marrë sende personale.
Njoftimi i policisë
Finalizohet operacioni policor i koduar “Provat”.
Tentoi të vidhte me dhunë 3 shtetase të huaja, identifikohet, kapet dhe vihet në pranga 18-vjeçari.
Zbardhen dhe dokumentohen dhe 2 vjedhje të tjera të kryera me dhunë nga ky shtetas.
Specialistët për Hetimin e Krimeve të Komisariatit të Policisë Durrës, në vijim të punës për parandalimin e vjedhjeve, zbardhjen dhe dokumentimin ligjor të vjedhjeve të ndodhura më parë, kanë organizuar punën për zbardhjen e disa vjedhjeve të kryera me dhunë.
Në kuadër të operacionit policor të koduar “Provat”, u arrestua në flagrancë për veprat penale “Vjedhja me dhunë”, mbetur në tentativë, “Vjedhja”, “Mbajtja pa leje dhe prodhimi i armëve, armëve shpërthyese dhe i municionit” dhe “Shkatërrimi i pronës”, shtetasi:
D. A., 18 vjeç, banues në Durrës.
Ky shtetas dyshohet se në orët e para të mëngjesit në lagjen nr.13, Durrës, ka tentuar t’iu vjedhë me dhunë sendet personale, 3 shtetaseve italiane,. Gjithashtu, nga hetimet dyshohet se ky shtetas, më datë 27.04.2025, në lagjen nr. 13, ka thyer xhamin e një automjeti dhe ka marrë disa sende personale, dhe më datë 28.04.2025, ka thyer xhamin e një automjeti dhe ka marrë disa sende personale.
Gjatë kontrollit në banesën e shtetasit D. A., u gjetën dhe u sekuestruan një sasi municioni luftarak dhe disa sende të dyshuara të vjedhura. Në lidhje me hetimet e kryera, u procedua në gjendje të lirë për veprën penale “Moskallëzimi i krimit”, shtetasi E. D., 36 vjeç, banues në Durrës. Në bashkëpunim me Prokurorinë vijon puna për zbardhjen dhe dokumentimin ligjor të vjedhjeve të tjera që dyshohet se janë kryer nga ky shtetas.
Materialet procedurale iu referuan Prokurorisë së Durrës, për veprime të mëtejshme.
