53-vjeçari që tentoi t’i vinte flakën vetes me benzinë sot në mëngjes në rrugën e ‘Elbasanit’, në afërsi të Ambasadës amerikane në Tiranë, ka thënë se tentativa për t’u vetëdjegur është menduar si shenjë proteste, pasi është lënë pas dore nga shteti shqiptar dhe ai amerikan.
Policia njoftoi se shtetasi F. S., 53 vjeç, banues në Tiranë, ka lyer trupin me benzinë.
Falë ndërhyrjes së menjëhershme të shërbimeve të Komisariatit të Policisë Nr 1, është bërë i mundur parandalimi i veprimeve të tij.
Sipas policisë, ky shtetas ndodhet i shoqëruar në komisariat ku po merret në pyetje për të zbardhur arsyet e veprimeve të tij.
Shtetasi, F.S, 53 vjeç, është një ish- i përndjekur politik.
Mësohet se gjatë marrjes në pyetje, ai ka dëshmuar se aktin ekstrem e ka marrë në shenjë proteste, pasi ndihej i lënë pas dore jo vetëm nga shteti shqiptar, por edhe nga ai amerikan.
“Mirë shteti jonë që më ka braktisur, por edhe Amerika nuk më ka ndihmuar. Jam viktimë e diktaturës.”, mësohet të jetë shprehur para oficerëve të policisë 53-vjeçari.
