Një 40-vjeçar që lëvizte me mjetin e tij pa targa në Vlorë, është arrestuar nga forcat Shqiponja gjatë mesnatës.
Mësohet se 40-vjeçari nuk iu bind urdhrit të patrullës Shqiponja për të ndaluar, por u largua me shpejtësi në brendësi të lagjes “Isa Boletini”.
Ndërkohë, gjatë ndjekjes bëhet me dije se, i arrestuari me iniciale H.H ka ka rrezikuar jetën e efektivëve të policisë duke tentuar t’i përplasë me automjet.
Shërbimet e Shqiponjave dhe të Rendit janë vënë në ndjekje të personit i cili ishte i maskuar, duke bërë të mundur ndalimin e tij.
Në momentin e prangosjes 40-vjeçari mësohet të ketë thënë para efektivëve se ishte konfliktuar në një lokal në qytetin e Vlorës dhe për këtë arsye ishte maskuar dhe kishte hequr targat e mjetit.
Gjatë kontrollit të mjetit tip Porsche ngjyrë blu, u gjet një maskë, 1 mjet prerës thikë dhe targat e automjetit.
Gjate testit të kryer nga qarkullimi rrugor rezultoi se personi kishte konsumuar alkool. Po ashtu, u konstatua se kishte hematoma në fytyrë dhe kërkoi ndihmë mjekësore.
Më pas 40-vjeçari u shoqërua për ndihmë ne spitalin rajonal Vlorë.
