Policia e Shkodrës ka arrestuar një 40-vjeçar, teksa po tentonte për t’u larguar me makinën që sapo kishte vjedhur.
Sipas uniformave blu mësohet se 40-vjeçari i dënuar më parë për vjedhje u arrestua në lagjen “Skënderbeg”.
Arrestimi u krye pas denoncimit të një qytetari se i kishin vjedhur makinën mbrëmjen e të dielës.
“Shërbimet e Komisariatit të Policisë Shkodër, pas marrjes së kallëzimit nga shtetasi M. Zh., për vjedhjen e automjetit të tij, mbrëmjen e djeshme, kanë organizuar menjëherë punën për identifikimin dhe kapjen e autorit.
Si rezultat i veprimeve të shpejta të kryera në kuadër të operacionit policor të koduar “Again”, u u vu në pranga shtetasi A. D., 40 vjeç, banues në Shkodër.
Ky shtetas është kapur në flagrancë nga shërbimet e Policisë, mbrëmjen e djeshme, në lagjen “Skënderbeg”, në tentativë për t’u larguar me automjetin e shtetasit M. Zh., të cilin sapo e kishte vjedhur në këtë lagje”, njofton policia.
