Kronikë

Tentoi të korruptonte policin me 20 euro, pranga të riut


Bëhu pjesë e Grupit Zyrtar të Opinion.al
>> KËTU <<
               Publikuar në : 09:19 - 20/10/20 |
Opi Nion

Një 28-vjeçar nga Kosova është arrestuar nga policia pasi tentoi të korruptonte një punonjës të Policisë Rrugore në rrugën Milot-Morinë.

Sipas informacioneve, punonjësi i policisë ka konstatuar një parakalim të gabuar nga i riu dhe e ka ndaluar, por gjatë momentit të kontrollit të dokumentacionit dhe komunikimit të shkeljes dhe masës  administrative, drejtuesi i mjetit “Audi” ka tentuar të korruptojë punonjësit e Policisë Rrugore duke iu dhënë një kartëmonedhë 20 euro.

28-vjeçari është shoqëruar nga policia në Lezhë, ndërsa akuzohet për “Korrupsioni aktiv i personave që ushtrojnë funksione publike”.

Ndërkohë, bëhet me dije se në rrugën Milot-Morinë, në kuadër të masave të shtuara për parandalimin e aksidenteve rrugore, gjatë patrullimit në autostradën Milot-Morinë, ka konstatuar dhe ndëshkuar 38 drejtues mjetesh, për parakalime të gabuara apo manovra të rrezikshme në rrugë, të cilat janë burim për përfshirje në ngjarje rrugore./ Opinion.al

Pas