Një grua 75 vjeç humbi jetën, pasi u përplas nga një makinë mëngjesin e sotëm në Tiranë. Ngjarja ndodhi në Bulevardin “Gjergj Fishta”, në afërsi të urës tek ish-stacioni i fundit i Tiranës së Re. Policia tha se drejtuesi i automjetit tip “Renault”, shtetasi Sh. S., 23 vjeç, ka aksidentuar gruan 75 vjeçe, e cila ka gjetur vdekjen e menjëhershme si pasojë e goditjes.
“Grupi hetimor në vendin e ngjarjes po punon për zbardhjen e rrethanave të aksidentit dhe për identifikimin e viktimës. Drejtuesi i automjetit është shoqëruar nga shërbimet e qarkullimit rrugor për veprime të mëtejshme proceduriale”, bën të ditur policia.
*Në video pamjet e aksidentit të rëndë dërguar në inbox e OpinionTvKlan në facebook
