Një aventurier u përpoq të kalonte Atlantikun duke përdorur një rrotë gjigante e dizajnuar për brejtës.
Reza Baluchi, nga Florida, u zbulua rreth 70 milje detare larg ishullit Tybee, Georgia, më 26 gusht, i cili u arrestua më pas.
Aventurieri i përgjuar në brigjet e Karolinës së Jugut gjatë përpjekjes së tij të fundit për të kaluar Atlantikun me një “hidropod” të improvizuar u akuzua për sjellje kriminale në det të hapur.
Baluchi, një banor me origjinë iraniane në Florida, u ndalua 70 milje nga Georgetown në anijen që i ngjan një rrote gjigante lloj brejtësi. Burri po përpiqej të arrinte deri në Mbretërinë e Bashkuar, rreth 4000 milje larg, një aventurë tepër ambicioze. Vihet re se rreth 10 vjet më parë, në vitin 2014, ai tentoi të zbatonte për herë të parë planin e tij, ku versioni i parë i rrotës “ujore” kushtonte 4500 dollarë.
Sipas deklaratës së arrestimit të Baluchit, roja bregdetare e SHBA-së e kapi atë ndërsa u afrua uragani Franklin, i cili përfshiu zonën muajin e kaluar. Të shqetësuar për sigurinë e tij, roja bregdetare u përpoq ta tërhiqte atë në breg dhe t’i jepte fund planit të tij të guximshëm.
Pavarësisht përpjekjeve të rojes bregdetare për të rikthyer Baluchin në tokë, ai u bë agresiv dhe madje kërcënoi se do të dëmtonte veten me thikë.
Përpjekjet e tij të mëparshme, në 2014, 2016 dhe 2021, me mjete të ngjashme të prodhuara në shtëpi, u ndërprenë të gjitha afër vijës bregdetare të SHBA-së, tha roja bregdetare, duke shtuar se ai nuk arriti të dorëzonte hidropodin e përdorur për përpjekjen e tij të fundit për inspektim nga inspektorët detarë të shërbimit siç i kërkohej të bënte.
Më pas ai kërcënoi se do të shpërthente një bombë nëse dikush afrohej, gjë që alarmoi autoritetet, dhe ai u bllokua për tre ditë në det, kohë gjatë së cilës Baluchi arriti të mbijetonte me ushqime dhe furnizime të tjera që kishte me vete.
Më vonë doli se bomba nuk ishte e vërtetë dhe Baluchi dhe rrota e tij u kthyen në breg nga Roja Bregdetare.
Faqja e internetit e Baluchit e përshkruan atë si aventurier paqedashës, i cili dëshiron “të udhëtojë nëpër 198 vende të njohura dhe të kalojë një Hidro Pad përtej oqeanit duke i treguar botës se çdo gjë është e mundur vetëm nëse besoni”./Opinion.al
This morning, the #FCSO responded to a call about a vessel washing ashore in the Hammock area.
Thank you to the concerned citizens who reported this. We are happy to announce that the occupant of the vessel is safe with no injuries! #SeeSomethingSaySomething pic.twitter.com/zlenQd1tX7
— Flagler County Sheriff’s Office (@FlaglerSheriff) July 24, 2021
