Një 39-vjeçar është arrestuar në pikën kufitare të Muriqanit, pasi ka tentuar të kalojë drejt Italisë me kartë identiteti italiane të falsifikuar.
Bëhet fjalë për një shtetas kosovar, i identifikuar si shtetasi me inicialet P.B., 39 vjeç.
“Nga Seksioni për Hetimin e Krimit Ekonomiko-Financiar në DVP Shkodër u bë arrestimi në flagrancë i shtetasit P. B., 39 vjeç, nga Kosova. Ky shtetas është kapur nga shërbimet e Policisë Kufitare në PKK Muriqan në dalje të Republikës së Shqipërisë pasi ka tentuar të udhëtojë në drejtim të Italisë, me kartë identiteti italiane të falsifikuar”, raporton policia./Opinion.al
