Pas dhjetë orësh bisedime me policinë dhe me mbështetjen e një psikologeje, 40-vjeçarja nga Kuçova është bindur të zbresë nga kulla e TEC-it, nga cila kërcënoi se do të hidhej.
Burimet nga policia thanë se ajo është Elona Bregu, 40-vjeçe, ku para 10 vitesh, edhe bashkëshorti i saj veproi po njësoj, duke kërcënuar se do të hidhej nga kulla.
Bregu është pastruese në Bashkinë e Kuçovës, e cila pretendon se është larguar nga puna.
Në një lidhje në Neës 24 bashkëshorti i Elonës u shpreh se: “Bashkia e Kuçovës është e korruptuar. Nuk ka shtet këtu. Nuk është hera e parë që ndodh ky problem. Unë jam invalid dhe familja me 2 fëmijë të vegjël mbahet nga pensioni i invaliditetit me 100 mijë lekë. Unë dua ta fusin gruan në punë ku të jetë mundësia më e mirë. Ata e bëjnë për korrupsion dhe punë lekësh këtë. Këtë ma bënë edhe mua para disa vitesh”.
Ndërsa një përfaqësues i Bashkisë së Kuçovës u shpreh se nuk bëhet fjalë për largim nga puna, por vetëm ristrukturim brenda institucionit. “Zonjës nuk i ka thënë njeri që do ikë nga puna. Do bëhen vetëm disa lëvizje. Ajo duhet të fillonte punë që sot. Nuk ka asnjë pengesë. Ishte vetëm një organizim i brendshëm, asgjë më shumë”, tha perfaqesuesi i Bashkisë.
Shihni në video pamjet nga vendi i ngjarjës dhe çfarë po ndodh aktualisht.
