Një 41 vjeçar është arrestuar nga Policia e Tiranës, pasi është kapur në flagrancë duke tentuar vjedhjen e një automjeti.
Mësohet se ngjarja ka ndodhur në rrugën “Aleksandër Moisiu”. Sipas policisë, i arrestuari i identifikuar me inicialet L. R., sapo ka parë që janë afruar forcat e policisë është larguar nga vendin i ngjarjes.
Por, ai la pas makinën e tij dhe sende të automjetit që tentoi të vjedhjet. Ndërkohë, policia njofton se automjeti i të arrestuarit është bllokuar, ndërsa 41-vjeçari do të përballet me drejtësinë për akuzën “Vjedhja”
“Nga Specialistët për Hetimin e Krimit në Komisariatin e Policisë Nr. 4 u arrestua në flagrancë, për veprën penale “ Vjedhja”, shtetasi: L. R., 41 vjeç, banues në Tiranë, pasi në rrugën “Aleksandër Moisiu” ka tentuar të vjedhë një automjet, dhe në momentin që shërbimet e Policisë të Komisariatit nr 4 janë afruar, ka tentuar të largohet duke lënë automjetin e tij i cili u bllokua së bashku me disa sende të automjetit të cilin tentoi të vidhte.Materialet hetimore i kaluan Prokurorisë pranë Gjykatës së Shkallës së Parë Tiranë, për veprime të mëtejshme,”- thuhet në njoftimin e policisë./ Opinion.al
