Një rast i mosdeklarimit të të hollave në kufi është goditur në Pikën Kufitare të Morinës.
Gjatë kontrollit në automjetin me drejtues shtetasin Xh.Ç. shërbimet e Policisë gjetën 15 750 Euro dhe 1 000 Dollarë, të cilat 29-vjeçari po tentonte t’i fuste në vendin tonë, pa i deklaruar sipas ligjeve në fuqi.
Në përfundim të veprimeve procedurale, u referuan materialet në Prokurori ku nisi procedimi në gjendje të lirë për shtetasin XH. Ç., 29 vjeç, banues në Tiranë, për veprën penale “Mosdeklarimi në kufi i të hollave dhe i sendeve me vlerë”.
Gjithashtu, në cilësinë e provës materiale u sekuestrua shuma e parave.
