Një 38-vjeçar ka tentuar të fus në Shqipëri një shumë prej 39 310 franga zvicerane dhe 625 euro, të cilat i kishte fshehur në automjetin e tij, me qëllim mosdeklarimin konform ligjit.
Policia bën me dije se ka proceduar në gjendje të lirë një 38-vjeçar.
Shërbimet e Policisë Kufitare të portit të Durrësit kaluan në vijën e dytë, për kontroll të detajuar, automjetin që drejtohej nga shtetasi A. S., në të cilin, shërbimet e Policisë gjetën 39 310 franga zvicerane dhe 625 euro, të cilat shtetasi A. S. nuk i kishte deklaruar.
Në përfundim të veprimeve procedurale, shuma totale e parave u sekuestrua në cilësinë e provës materiale, ndërsa për drejtuesin e automjetit, shtetasin A. S., 38 vjeç, banues në Zvicër, nisi procedimi në gjendje të lirë për veprën penale “Mosdeklarimi në kufi i të hollave dhe i sendeve me vlerë”.
Materialet procedurale i kaluan Prokurorisë, për veprime të mëtejshme./Opinion.al
