Policia italiane ka zbuluar autorin e atentatit të dështuar ndaj një 28-vjeçari shqiptar në Itali, ngjarje e ndodhur më 4 tetor.
Shqiptari u godit me plumb në gjoks teksa po udhëtonte me makinë për në punë por fatmirësisht shpëtoi.
Policia arrestoi autorin e dyshuar, edhe ky i fundit shqiptar, i identifikuar si Altin Jakini 29 vjeç.
Sipas rikonstruksionit të ngjarjes nga ana e hetuesve, autori ishte duke drejtuar një furgon, kur iu afrua mjetit tjetër në Via Stazione dhe qëlloi me armë drejt tij në lëvizje.
Kamerat e sigurisë kanë inkuadruar furgonin, ndërsa duke iu referuar pamjeve nuk ka asnjë shenjë dhe asnjë shkëmbim verbal mes dy drejtuesve, rrethanë që nuk lë asnjë dyshim për paramendimi të gjestit.
Nuk dihet nëse Jakini e njihte 28-vjeçarin apo edhe nëse ky i fundit e kishte njohur atë. Hetuesit supozojnë se motivi është një debat i mëparshëm mes të dyve, por për momentin rrethanat janë të paqarta.
Për shkak te plagëve, shqiptari përfundoi me makinë në kanal të thatë, ku u gjet dhe më pas u transportua drejt spitalit Santa Croce në Cuneo, aty ku ndodhet në gjendje të rëndë shëndetësore.
Megjithatë motivet e atentatit mbeten ende të paqarta, pasi ende nuk dihet nëse ata njiheshin me njëri-tjetrin.
