Një 43-vjeçar është arrestuar nga policia e Beratit, pasi është përfshirë një konflikt fizik me disa persona dhe më pas ka dhunuar dhe një punonjës policisë i cili tentoi ta shoqëronte.
Mësohet se në pranga ka rënë Gazment Nezëraj, ndërsa rezulton se është person me precedentë penale për heqje të paligjshme të lirisë dhe ndërtim pa leje dhe aktualisht ishte në shërbim prove.
Ndërkohë, bëhet me dije se Nezëraj e ka qëlluar punonjësin e policisë me grushte dhe shkelma, ndërsa arrestimi i tij është bërë pak orë më vonë.
Njoftimi i policisë
Ushtroi dhunë ndaj punonjësit të policisë, arrestohet në flagrancë autori.
Procedohet në gjendje të lirë një shtetas tjetër për veprën penale “Kundërshtim ndaj punonjësve të policisë”
Nga Specialistët e Seksionit për Krimet u bë arrestimi në flagrancë i shtetasit:
G.N, 43 vjeç, banues në lagjen “Donika Kastrioti”, Berat, (i dënuar më parë për veprat penale “Heqje e paligjshme e lirisë” dhe “Nërtim pa leje”),
Arrestimi i tij u bë pasi në lagjen Uznovë, pēr shkak të detyrës ka goditur me grushte punonjësin e policisë H.M. Gjithashtu u referuan materialet në Prokurorinë pranë Gjykatës së Shkallës së Parë Berat, për shtetasin A.K, 48 vjeç, banues në lagjen “Uznovë”, Berat pasi kundërshtoi punonjësin e policisë të lartpërmenduar. Materialet i kaluan Prokurorisë së Rrethit Gjyqësor Berat për veprën penale ”Goditje për shkak të detyrës”, për shtetasin G.N dhe “Kundështim ndaj punonjësve të policisë”, për shtetasin A.K./ Opinion.al
