Një person ka mbetur i plagosur mbrëmjen e sotme në Roskovec gjatë një tentative grabitje.
Mësohet se rreth orës 20:20, persona të identifikuar janë futur në banesën e një 65-vjeçari për të grabitur, por ata janë pikasur nga pronari i shtëpisë, ndërsa në ndihmë të tij ka shkuar dhe kushëriri i tij.
Pasi janë pikasur nga pronari i banesës, autorët kanë qëlluar me armë zjarri dukë lënëtë plagosur kushëririn e pronarit të banesës, A. Ç, rreth 40 vjeç.
I plagosur është transportuar në spitalin e Fierit, ku po merr ndihmën e nevojshme. Ndërkohë, Policia ka ngritur pika kontrolli dhe vijon krehjen e zonës për të bërë të mundur kapjen e autorëve.
Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorëve që tentuan të grabisnin banesën e 65-vjeçarit/Opinion.al
