Një person ka mbetur i plagosur në fshatin Kameras, Fushë-Krujë, pasi është qëlluar me armë zjarri nga disa persona që tentuan të grabisnin bagëti të imëta në një stallë.
Ngjarja ka ndodhur në orët e para të mëngjesit të sotëm, ku persona të armatosur kanë hyrë në stallën në pronësi të A.B. 44 vjeç. Grabitësit janë pikasur nga ky i fundit e për pasojë e kanë qëlluar duke e lënë të plagosur në krah.
Ndërkohë, policia ka mbërritur në vendin e ngjarjes dhe po punon për armën e krimit dhe personat e përfshirë në këtë grabitje. Sipas informacioneve, autoritetet kanë ndalur një person dhe po merret në pyetje.
Njoftimi i policisë
Më datë 07.05.2020, rreth orës 02:25, në fshatin Kameras, Fushë Krujë, gjatë një tentative për vjedhur bagëti të imëta në një stallë në pronësi të shtetasit A. B, 44 vjeç, ka mbetur i plagosur me armë zjarri shtetasi A. B., i cili ndodhet në spital, nën kujdesin e mjekëve, jashtë rrezikut për jetën.Grupi hetimor po punon për zbardhjen e plotë të saj. Policia ka identifikur autoret dhe po tenton arrestimin e tyre. / Opinion.al
