Një 38-vjeçar shqiptar dhe një italian janë arrestuar nga policia italiane, pasi akuzohen për tentativë grabitje dhe posedim të lëndëve narkotike.
Sipas autoriteteve italiane në pranga kanë rënë, Florenc Mataj 38 vjeç dhe Gianfanco Bassani 40 vjeç, të dy të njohur nga policia për krime të ndryshme.
Arrestimi i tyre u bë pas denoncimit të një 44-vjeçari, i cili kërkoi ndihmën e policisë pasi Mataj dhe Bassani kishin tentuar ta grabisnin.
Denoncuesi i cili rezulton si person i varur ndaj lëndëve narkotike, ka rrëfyer në polici se dy personat i kishin kërkuar 2 mijë euro për një furnizim të pretenduar droge.
Ndërkohë, policia ushtroi kontroll në banesën e italianit Gianfanco Bassanit, ku sekuestroi 41 doza hashashi dhe kokaine dhe 160 euro, që i përkisnin shqiptarit Mataj./ Opinion.al E.Xh.
