Një person i shoqëruar ka tentuar që të ikë nga ambientet e Komisariatit të Policisë së Fushë Krujës. Ngjarja ka ndodhur mbrëmjen e djeshme dhe është bërë e ditur nga burime policore.
Këta të fundit thanë se, rreth orës 11:30, 29-vjeçari me inicialet G. S., nga fshati Gramëz duke qenë i shoqëruar në polici, ka tentuar që të arratiset nga ambientet.
Ai ka goditur me grusht inspektorin e policisë më inicialet F. E., i cili ishte tek dera e Komisariatit dhe është larguar me vrap, thanë burime policore për SYRI.net.
Por për fatin e keq të tij, i riu është ndaluar ende pa dalë jashtë ambienteve të policisë. Tani përveç akuzës për të cilën ai ishte shoqëruar është vënë nën akuzë edhe për goditje të punonjësit të policisë dhe tentativë arratisje.
