Kronikë

Tentativa e vrasjes së Palucit/ Zbulohet apartamenti i dyshimtë, çfarë u gjet


Bëhu pjesë e Grupit Zyrtar të Opinion.al
>> KËTU <<
               Publikuar në : 09:03 - 13/12/21 |
Opi Nion

Një armë zjarri pistoletë u gjet në një apartament në përdorim të Edmir Vlashit në Lezhë. Efektivët e Policisë gjatë kontrollit të ushtruar në këtë apartament gjetën dhe sekuestruan edhe disa mjete identifikimi dhe leje drejtimi të lëshuara nga një shtet tjetër.

Ky kontroll vijon në kuadër të operacionit “Mataro”,  ku u zbulua se Hektor Ndoka dhe Edmir Vlashi në bashkëpunim me njëri-tjetrin, kishin planifikuar të kryenin një vrasje në qytetin e Tiranës, për shkak të konflikteve të mëparshme në lidhje me prishjen e pazareve të drogës, në Blegjikë. Në shënjestër të atentatit të dy personave të mësipërm ishte Prend Paluca.

Vlashi dhe Ndoka rezultojnë të jenë emra të njohur për policinë me rrezikshmëri të lartë kriminale dhe janë shpallur në kërkim.

Ndërkohë policia arrestoi në kuadër të operacionit “Mataro”,  tre persona. Nikoll Marku, dhe Marie Marku u vunë në pranga pasi kishin vënë në dispozicion shtëpinë dhe restorantin e familjes si bazë për armatimet.

Ndërsa shtetasi Mark Lamkja, dhëndri i shtetasit Nikoll Marku, është arrestuar pasi u kap me armë zjarri pistoletë, gjatë operacionit, në përpjekje për të fshehur provat që u gjetën gjatë kontrollit të Policisë.

Njoftimi i policisë

Si rezultat i hetimeve të thelluara, Policia zbulon një apartament në përdorim nga shtetasi E. V.

Gjatë kontrollit të apartamentit, shërbimet e Policisë gjetën dhe sekuestruan armë zjarri pistoletë, leje drejtimi dhe dokumente të tjera të lëshuara nga një shtet tjetër.

Shërbimet e Policisë Lezhë kanë vijuar punën intensive për dokumentimin e plotë e veprimtarisë kriminale të shtetasve E. V. dhe M. N. të cilët janë shpallur në kërkim në kuadër të operacionit “Mataro”.

Si rezultat i veprimeve të thelluara hetimore është zbuluar një apartament që ishte në përdorim nga shtetasi E.V.   Shërbimet e Policisë  gjatë kontrollit të ushtruar në këtë apartament gjetën  dhe sekuestruan në cilësinë e provës materiale një armë zjarri pistoletë, disa mjete identifikimi dhe leje drejtimi të lëshuara nga një shtet tjetër.

Gjatë operacionit “Mataro” u vunë në pranga 3 shtetas, u shpallën në kërkim shtetasit E. V. dhe M. N., si dhe u sekuestruan arsenal me armë, municion, mina me telekomandë, një sasi e konsiderueshme eurosh e përfituar nga veprimtaria kriminale dhe sende të tjera të kundërligjshme.

Nën drejtimin e Prokurorisë vijon puna për dokumentimin e plotë të kësaj veprimtarie kriminale, për kapjen e personave të shpallur në kërkim dhe identifikimin e personave të tjerë të përfshirë.

 

 

Pas