Aktualitet

Tentativa e arratisjes së Çekajt dhe Pjetrit, pezullohen gjashtë policë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:12 - 13/08/21 |
Opi Nion

Gjashtë policë janë pezulluar nga detyra për tentativën e arratisjes në burgun 313 disa ditë më parë.

Sipas Klan News, Shërbimi i Kontrollit të Brendshëm Burgjeve dhe Prokuroria e Tiranës janë duke zgjeruar hetimet për këtë çështje.

Mësohet se po kryhen hetime për të mësuar se kush i urdhëroi gardianët që të lëvizin nga vendi i tyre në mënyrë që t’i japin ndihmë Lulëzim Çepeles i cili tentoi që të priste damarët në dorën e djathtë.

Po ashtu 6 gardianët që janë në fazë verifikimi janë pezulluar nga detyra deri sa të sqarohet e gjithë situata nëse vërtetohet që kanë pasur dijeni për arratisjen e dështuar të Arbër Çekajt dhe Fatmir Pjetrit ata mund të vihen nën akuzë për shpërdorim detyre.

Arbër Çekaj dhe Fatmir Pjetri tentuan që të arratiseshin të dielën pasdite përmes një litari të improvizuar por u kapën ende pa kaluar murin rrethues. Pjesë e planit të arratisjes ishte edhe Lulëzim Çepele, i cili tentoi të priste damarët për të shpërqendruar gardianët.

Për ta dhe për Çepelen gjykata dha masën e sigurisë dy ditë më parë izolim për 90 ditë.

Pas