Ditën e sotme demokratët në Bulqizë dhe Himarë votuan për kryetarin e degës.
Procesi i votimit u mbyll në orën 18:00, por gjatë këtij procesi u regjistruan edhe incidente për shkak të radhëve të gjatëve të demokratëve që do të votonin.
Kjo gjë bëri që disa demokrat në Bulqizë të humbasin durimin dhe shqyen derën e kinemasë së qytetit ku u mbajtën zgjedhjet.
Pas disa minutash tensioni, situata u normalizua, për të vijuar me votimin, ku në garë ishin dy kandidatë.
Zgjedhjet për kryetarin e ri të Partisë Demokratike në Bulqizë ishin parashikuar të mbaheshin të dielën e shkuar, por ato u shtynë për shkak të pretendimeve të palëve lidhur me fryrjen e listës së anëtarësisë.
Sakaq në Himarë demokratët e kësaj dege votuan mes tre kandidatëve në garë.
