Një 59 vjeçar po rrezikon seriozisht jetën në rafinerinë e naftës në Fier. Ai qendron për më së dy orësh në kullën e lartë të oxhakut dhe kërcënon se do të vetëdigjet me benzinë. Por situata është tensionuar kur aty ka mbërritur gruaja e tij me dy fëmijët e mitur. Djali 10 vjeçar i Agim Myrdinit ka tentuar të ngjitet në kullë dhe të shkojë tek i ati, por është ndaluar nga policia dhe punëtorët e tjerë.
Edhe pse naftëtari ka mbi 2 orë në kullën 50 metra të lartë askush nuk ka shkuar të negociojë për ta bindur që të zbresë.
Janë rreth 150 punonjës të rafinerisë së Fierit që kanë dalë sot në protestë. Ata kanë 4 muaj pa marrë pagat. Kjo është hera e tretë që ata protestojnë vetëm gjatë ditëve të para të këtij viti.
