Lulzim Basha ka reaguar pas tensioneve dhe incidenteve të regjistruara ditën e djeshme gjatë mbledhjes së Kryesisë së PD-së, nga një grup militantësh që mbështesin Bashën.
Përmes një postimi në rrjete sociale, Basha shkruan se refuzon dhe dënon me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën është ndarë PD.
Ai thekson se fryma e debatit konstruktiv me të cilën Kryesia e PD debatoi për më shumë se 8 orë, është shenjë e qartë e një reflektimi të thellë që ka nisur brenda familjes politike.
Sipas tij, vlerat demokratike që drejtojnë PD në këtë rrugëtim të vështirë nuk mund të cënohen nga asnjë individ.
“Fryma e debatit konstruktiv me të cilën Kryesia e PD debatoi për më shumë se 8 orë për gjetjen e rrugës më të mirë në funksion të riorganizimit të PD, është shenjë e qartë e një reflektimi të thellë që ka nisur brenda familjes tonë politike.
Nuk ka gjë më demokratike se mendimet e ndryshme në një forum politik. Debatet dhe mendimi ndryshe duhen respektuar nga të gjjthë. Vlerat demokratike që na drejtojnë në këtë rrugëtim të vështirë për ne demokratët nuk mund të cënohen nga asnjë individ. Refuzoj dhe dënoj me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas”, shkruan Basha./Opinion.al
1/3 Fryma e debatit konstruktiv me të cilën Kryesia e PD debatoi për më shumë se 8 orë për gjetjen e rrugës më të mirë në funksion të riorganizimit të PD, është shenjë e qartë e një reflektimi të thellë që ka nisur brenda familjes tonë politike.
— Lulzim Basha (@lulzimbasha_al) June 7, 2023
