Kryeministri i Kosovës, Albin Kurti në vazhdën e takimeve në kuadër të Forumit të Prespës është takuar me kryeministrin në detyrë të Malit të Zi, Dritan Abazoviç.
Në fokus të bisedës mes tyre nuk kanë qenë vetëm marrëdhëniet bilaterale, por edhe situata e tensionuar në Veri të Kosovës pas rrëmbimit të tre zyrtarëve policorë nga policia serbe.
“U takova sot me 🇲🇪 Kryeministrin Dritan Abazovic. Diskutuam ngjarjet e fundit dhe mundësinë që agresioni i Serbisë të ketë një ndikim më të gjerë në Ballkan. Gjithashtu folëm për marrëdhëniet tona të shkëlqyera dypalëshe dhe mënyrat përmes të cilave ato mund të forcohen më tej”,-shprehet Albin Kurti.
