Sekretari amerikan i Shtetit, Antony Blinken ka dënuar me forcë veprimet e qeverisë së Kosovës në veri të vendit.
Në një reagim në Twitter, pas tensioneve që u shënuan këtë të premte, Blinken shprehet se këto veprime po përshkallëzojnë tensionet dhe po rrisin jo stabilitetin.
Ai i bën thirrje kryeministrit të Kosovës Albin Kurti që të ndalë menjëherë “këto masa të dhunshme” dhe të rifokusohet në dialogun e ndërmjetësuar nga BE.
“Dënojmë fuqishëm veprimet e qeverisë së Kosovës që po përshkallëzojnë tensionet në veri dhe po shtojnë jo stabilitetin. I bëjmë thirrje kryeministrit Albin Kurti të ndalojë menjëherë këto masa të dhunshme dhe të ripërqendrohet në dialogun e ndërmjetësuar nga BE”, tha Blinken.
Më herët, reagoi edhe Ambasada e Shteteve të Bashkuara të Amerikës në Kosovë, e cila po ashtu dënoi veprimet e autoriteteve të Prishtinës për të futur menjëherë kryetarët e rinj në zyrat e komunave me shumicë serbe. Në një reagim të ambasadorit Jeff Hovenier, kërkohej ndërprerja e masave të dhunshme.
“Shtetet e Bashkuara dënojnë veprimet që po vijojnë nga autoritetet për të hyrë në objektet e komunave në veri të Kosovës. Masat e sotme të dhunshme duhet të ndalen menjëherë”, thuhej në reagim
