Në mbledhjen e sotme të kryesisë kreu i PD, Sali Berisha ka komentuar edhe tensionet në seancën e djeshme plenare, të shkaktuara pas deklaratave të kryedemokratit se ka video për orgjira të mbërritura në celularin e tij, duke ju referuar McGonigal dhe ministrave të qeverisë.
Berisha tha se ditën e djeshme e akuzuan atë si fajtor për sjelljet e shfrenuara të të tjerëve.
“Ju e shihni se si sillen në parlament. Kurrë parlamenti Linda-Rama nuk ka qenë në këtë situatë. Kurrë! Një grusht të zhveshur nga çdo moral politik, e trajtojnë parlamentin si një klub të neveritshëm, si një plaçkë të neveritshme. Bënë dje deklaratë që të më akuzonin mua si fajtor për sjelljet e shfrenuara të të tjerëve. Apo fajin e ka saliu edhe këtu? Kjo ishte kulmore. Ja ku shkon degradimi. Duhet ta dini se aty nuk ishte vetëm Edi Rama, ishte edhe diçka tjetër. E dhashë këtë shembull për të thënë se shikoni se në çfarë shkalle, këta kanë humbur çdo lloj logjike. Kanë humbur gjithçka dhe janë të aftë të thonë çdo gjë, të ndërmarrin çdo gjë. Duhet të falenderojmë qytetarët për përgjegjësinë dhe pjesëmarrjen e tyre në protesta. Duhet të vazhdojmë”-tha Berisha.
