Ish-kryeministri Sali Berisha ka folur në një dalje për media pas bllokimit të Komisionit të Ekonomisë nga deputetët e PD-së.
Gjatë fjalës së tij ai thotë se deputetët e PD-së u mbyllën në ashensor dhe për këtë akt do të hetohet kryetarja e Kuvendit, Lindita Nikolla.
Berisha thekson se ndërtesa e parlamentit u shndërrua në repart policor garde.
Ndër të tjera ai thotë se deputetët e PS-së e kaluan buxhetin si klandestinë duke shkelur Kushtetutën.
“Kjo ndërtesë përveç kohës së hoxhës, nuk ka qenë e pushtuar nga policia dhe garda. Akt i turpshëm. Deputetët e opozitës, kryetarja e ashtëquajtur krijoi një përpjekje e cila do hetohet, sepse mbylli derën në një kohë kur 5-6 prej tyre ishin në ashensor në kat të katërt, që ndaj çdo lloj avarie mund të përfundonin në kate të parë me urdhër të saj.
Kjo tregon se parlamenti ka humbur çdo të drejtë së funksionuari. Kanë kaluar në kalandestinitet për miratimin e buxhetin. Kaluan në një klub, lokal dhe aty po miratojnë buxhetin”, tha Berisha pas tensioneve./Opinion.al
