Kryetarja e Kuvendit, Lindita Nikolla, ka reaguar për tensionet në Veri të Kosovës dhe vendimin e Qeverisë së Kosovës për shtyrjen e zbatimit të marrëveshjes së reciprocitetit deri në 1 shtator.
Përmes një postimi në rrjetin social “Facebook”, Nikolla tha se parimi i reciprocitetit duhet zbatuar me maturi dhe vetëpërmbajtje nga të dy shtetet, në konsultim me SHBA dhe BE.
“Parimi i drejtë i reciprocitetit duhet zbatuar me maturi, vetëpërmbajtje nga të dy shtetet dhe në konsultim me ShBA dhe BE. Përmbajtja e Qeverisë së Kosovës dhe bashkëpunimi i saj me partnerët ndërkombëtarë nuk tregojnë dobësi, por fuqinë që buron nga e drejta, si edhe vizionin e pjekurinë e Qeverisë së Kosovës.”, shkruan. Nikolla.
