Në një intervistë për CNN, Presidenti i Serbisë, Aleksandër Vuçiç ka deklaruar se trupat ushtarake janë tërhequr nga kufiri me Kosovën, pas thirrjeve nga SHBA dhe BE.
Ai është shprehur se për manovrat ushtarake vendosin drejtuesit e ushtrisë dhe jo ai. Vuçiç tha se kurrsesi nuk dëshiron një luftë me Kosovën, pasi do të ishte një konflikt me NATO-n.
“Ne gjithmonë dëgjojmë dhe kemi dëgjuar gjithmonë kur partnerët tanë na kërkonin të de-përshkallëzonim një situatë dhe ne e bëmë këtë herë, megjithëse nuk kishte arsye për një shqetësim të madh, sepse nuk kishim nevojë për asnjë lloj lufte, asnjë një lloj përplasjeje me NATO-n”,-shtoi Vuçiç.
