Bota

Tensionet me Greqinë, Turqia: Nuk bëjmë hap mbrapa, cilido qoftë çmimi


Bëhu pjesë e Grupit Zyrtar të Opinion.al
>> KËTU <<
               Publikuar në : 15:45 - 29/08/20 |
Opi Nion

Vijojnë të rriten tensionet mes Turqisë dhe Greqisë. Lidhur me këtë çështje ka folur nënpresidenti i Turqisë, Fuat Oktay, i cili i bëri thirrje Bashkimit Evropian për drejtësi dhe barazi në vazhdën e tensioneve në Mesdheun Lindor.

Gjatë një interviste për Anadolu Agency, nënpresidenti turk tha se; “Turqia pret drejtësi nga BE-ja. Bazuar në këtë drejtësi, askush të mos presë që Turqia të bëjë hap mbrapa”.

Ndër të të tjera i tha se përpjekjet e Greqisë për të zgjeruar ujërat territoriale është shkak lufte, ndërsa theksoi se Turqia nuk do të bëjë asnjë hap mbrapa cilido qoftë çmimi.

“Nëse përpjekjet e Greqisë për t’i zgjeruar ujërat e saj territorial me 12 milje nuk është shkas lufte, atëherë çfarë është?” tha më tej Oktay, duke theksuar se vendi “do të mbrojë të drejtat e tij në çdo metër katror në ujërat e Mesdheut Lindor, cilido qoftë çmimi. Fatkeqësisht, Evropa, lëre që nuk është në anën e Turqisë dhe interesave tona, por nuk mbajmë mend të mos ketë reaguar”, theksoi ai.

Ai më herët e cilësoi si jo të sinqertë faktin që “BE-ja bën thirrje për dialog, ndërsa nga ana tjetër ndjek plane të tjera” në lidhje me aktivitetet në Mesdheun Lindor.

“Ne e njohim mirë gjuhën e paqes dhe diplomacisë, por nuk do të hezitojmë të bëjmë atë që është e nevojshme për të mbrojtur të drejtat dhe interesat e Turqisë. Franca dhe Greqia janë midis atyre që e dinë këtë më mirë”, shtoi nënpresidenti turk.

Greqia ka kundërshtuar eksplorimet aktuale të energjisë së Turqisë në Mesdheun Lindor, duke u përpjekur të kufizojë territorin detar turk bazuar në ishuj të vegjël afër bregdetit turk.

Turqia, vendi me vijën më të gjatë bregdetare në Mesdhe, ka dërguar anije kërkimore për të eksploruar energji në shelfin e saj kontinental, duke thënë se Anakraja dhe Republika Turke e Qipros Veriore (TRNC) kanë të drejta në rajon.

Pas përpjekjeve diplomatike të Gjermanisë, Turqia ndaloi aktivitetet në rajon, megjithatë, ajo rifilloi kërkimin e energjisë në fillim të këtij muaji në Mesdheun Lindor pasi Greqia dhe Egjipti nënshkruan një marrëveshje të diskutueshme të demarkimit të kufirit detar.

Ankaraja ka thënë gjithashtu që burimet e energjisë pranë ishullit të Qipros duhet të ndahen në mënyrë të drejtë midis Republikës Turke të Qipros Veriore (TRNC), e cila i ka dhënë licencë kompanisë shtetërore të naftës Turkish Petroleum, dhe administratës qipriote greke të Qipros Jugore.

 

Pas