Tensionet e shkaktuara nga protestat në Iran kanë mbetur të forta, që pas rritjes së çmimit të naftës.
Megjithatë duket se situata ka mbetur e paqartë, pasi bëhet e ditur se autoritetet kanë urdhëruar ndërprerjen e Internetit, që ka çuar në kufizimin e publikimit të videove apo postimeve të ndryshme në rrjete sociale për të treguar gjendjen.
Sipas zyrtarëve mësohet se deri tani ka shkuar në gjashtë numri i viktimave nga përleshjet dhe mes tyre janë tre protestues, dy pjesëtarë të forcave iraniane të sigurisë dhe një roje e sigurisë, megjithatë mendohet se numri i viktimave mund të jetë shumë më i lartë.
Disa video që kanë arritur të dalin në mediat sociale tregojnë forcat qeveritare duke qëlluar në drejtim të protestuesve.
Garda Revolucionare e Iranit, është shprehur përmes një deklarate se do të veprojë nëse trazirat nuk pushojnë.
Më shumë se 100 banka dhe dyqane janë djegur gjatë protestave dhe rreth 1,000 njerëz janë arrestuar./Opinion.al/
