Dy futbollistë të kombëtares gjermane, Joshua Kimmich dhe Antonio Rudiger janë zënë sot në stërvitjen që po zhvillon skuadra për pregatitjet për në Botërorin ‘Rusi 2018’.
Ky ‘dyluftim’ degradoi në grushta midis dy futbollistëve, por ka ndërhyrë menjëherë ish-sulmuesi i Gjermanisë Miroslav Klose, i cili ka qetësuar situatën.
Rreth kësaj çështje ka reaguar edhe mbrojtësi i Bayern Munich, Mats Hummels ku ka thënë: “Situata është e nxehtë, të gjithë duan të jenë titullarë”.
Në Botërorin ‘Rusi 2018’, kombëtarja gjermane ndodhet në grupin F, së bashku me Meksikën, Suedinë dhe Korenë e Jugut, ndërsa ndeshjen e parë do ta luajë përballë Meksikës më datë 17 qeshor.
