Disa aktivistë të LSDM-së, sonte kanë tentuar që të futen në selinë qëndrore të partisë GROM e cila ndodhet në rrugën Ruzveltova në Karposh të Shkupit, shkruan Republika.
Fizikisht është sulmuar edhe kandidati për kryetar të komunës së Karposhit, Stevçe Jakimovski. Sipas informatave, janë shfrytëzuar edhe armë të ftohta.
Jakimovski pak më herët pranoi humbjen e tij në Karposh dhe ia uroi fitoren kundërkandidatit të tij, Stefan Bogoev nga LSDM.
Momentalisht para selisë së GROM ka pjesëtarë të shumtë të policisë./ Express
