Ish-kryeministri, Sali Berisha ka ofenduar ministrin e Jashtëm Ditmir Bushati, pasi ky i fundit ndërhyri duke folur nga vendi gjatë fjalës së Berishës në Parlament.
“Ky i futi thikë pas shpinës Kosovës”, tha Berisha për Ramën. Në këtë moment ka ndërhyrë Bushati, duke e ndërprerë, por në këtë moment Berisha shpërtheu ndaj tij, duke iu drejtuar me fjalë ofenduese: Këlysh, fundërrinë …
Berisha: Mor fundërrinë, mor këlysh i bllokut, mor fundërrinë, akuzohesh për gylenist, njëherë për kështu…
Bushati: Turp të të vijë.
Berisha: Nëse rrugeçër si ky këtu të rritur nga ata që s’po ia them emrin u jepet fjala në këtë mënyrë, të rritur nga kodoshët, lihet të flasin në këtë mënyrë..
Bushati: Mos bëj me gisht, more vesh.
Berisha: Njerëz që s’kanë interes kombëtar, për para dhe të një pale të tretë i futën thikë interesit kombëtar, jam Sali Berisha unë, o budallenj, nuk tërhiqem unë, o cakenj, jam Sali Berisha unë, e di si më dukeni ju mua, plehra, unë vij për parlamentin, ju më dukeni plehra, para interesit kombëtar nuk njoh asgjë tjetër unë, nuk më bëjnë të tërhiqem unë..
***
Berisha për Ramën: Sot ai foli këtu si njeriu me kokë në tepsi. Unë e kuptova mirë hallin e tij. E ka të qartë që e ka kokën në tepsi nga ky raport i cili në çdo rresht, në çdo fjali i thotë se me ty nuk ka negociata, se negociatat do ti hapë PD dhe opozita. Prandaj ai flet me kokë në tepsi, ishte sot me kokë në tepsi. Sa i përket rekomandimit, shpreh keqardhjen që nuk vendosi hapje pa kushte negociatash sepse hapja pa kushte e negociatave ishte kërkesë e jona.
Si përfundim shakaxhintë vazhdojnë të bëjnë rrugaçin në Parlament. Njeriu që i pengoi shqiptarët 2 vite për të votuar tre ligje, i pengoi edhe sot duke u përpjekur të kapë reformën në Drejtësi. Këto janë muajt e fundit në pushtet dhe i them se qenit kur i vjen fundi shkon e bën shurrën në derë të selisë. Edhe pasi të humbë zgjedhjet nuk ikën ai jo.
