Një burrë u qëllua për vdekje në aeroportin Orly të Parsit. Rreth 3000 udhëtarë janë evakuuar dhe po bëhet një kontroll i imtësishëm.
Forcat e sigurisë vranë personin që i rrëmbeu pushkën në befasi rojes së sigurisë, thanë autoritete vendase, raporton Reuters.
Aeroporti u evakuua pas dyshimeve se personi mund të kishte me vete bomba. Nga kontrolli i deritanishëm nuk është gjetur asgjë.
Ndërkaq, një polic u plagos pasi u qëllua nga një person ende i paidentifikuar gjatë një kontrolli rutinë në periferi të Parisit. Ende nuk dihet nëse dy ngjarjet kanë lidhje me njëra-tjetrën.
Incidentet shënohen pak javë para zhvillimit të zgjedhjeve Presidenciale në Francë.
Vendi mbetet në gatishmëri të lartë pas sulmeve nga militantët e Shtetit Islamik që kanë vrarë shumë njerëz në dy vitet e fundit në Francë. /Opinion.al
