Në Kamëz, Burrel, Kavajë, Pogradec, Bilisht dhe në Gjirokastër ka patur tensione dhe përplasje mes mbështetësve të opozitës dhe policisë, që kërkojnë largimin e materialeve zgjedhore të vendosura në KZAZ-të përkatëse. Në Kamëz dhe në Burrel ka patuar përljeshje mes qytetarëve dhe policisë, ndërsa kjo e fundit ka përdorur gaz lotsjellës.
https://www.facebook.com/opinioni.al/videos/421411455078758/
Një efektiv i Policisë Bashkiake të Kamzës ka humbur ndjenjat pas përplasjeve të ndodhura në KZAZ numër 27 që ndodhet në shkollën “Ibrahim Rugova”. Përleshje më të forta janë parë në Burrel, ku nuk kanë munguar as përplasjet trup më trup. Raportohet për disa të plagosur.
Qytetarë të Kavajës, kryesisht anëtarë të Partisë Demokratike, kanë protestuar përpara KZAZ-së që ndodhet brenda shkollës 9-vjeçare “3 dëshmorët”. Ata kanë kërkuar largimin e materialeve zgjedhore, duke pohuar se nuk do të lejojnë procesin e votimit në ketë bashki, pasi, sipas tyre, nuk është një proces legjitim.
Po ashtu Bashkia e Gjirokastrës ka kërkuar sot lirimin e godinës që po përdoret nga KZAZ për zgjedhjet lokale të 30 qershorit, të shfuqizuara me një dekret të dytë nga Presidenti i Republikës, Ilir Meta./ Opinion.al
