TIRANË- PD ka akuzuar Qeverinë se po merr makina të shtrenjta për vete dhe kabinetin. Ka reaguar Qeveria duke thënë se do merren me qira dhe nuk do të blihen, pasi automjetet aktuale janë të amortizuara.
Citim Edmond Spaho
“Rama ka porositur 29 Jaguar për të ndenjurat e tij dhe ministrave të krimbur në korrupsion”, akuzoi PD sot. Makina si kjo që shihni në ekran, mjetet e preferuara të sheikëve e pasanikëve në botë. Ky nder i bëhet edhe koncesionarit, mikut të Edi Ramës ku do të merren makinat.
Portali i Qeverisë
“Tenderi për të cilin media të ndryshme kanë ngritur pretendime ka të bëjë me marrjen me qira (leasing) të automjeteve që Kabineti Qeveritar do të përdorë, duke pasur parasysh amortizimin e flotës aktuale të automjeteve”. Sot, në shërbim të Këshillit të Ministrave janë në dispozicion 22 autovetura, kostoja e mirëmbajtjes së të cilave është 636,392 Euro në vit. Marrja me qira (leasing) e një numri të njëjtë makinash, kushton 494,520 Euro në vit.
