TIRANË- Auditimi i Kontrollit të Lartë të Shtetit, që zbuloi abuzime me tendera në Ministrinë e Mbrojtjes, ka përplasur mazhorancën dhe opozitën në parlament. Ministrja e Mbrojtjes shpjegoi se kontrata që do të nënshkruhej në korrik të 2013-ës me kompanine amerikane “Lockheed Martin” u anullua pas parregullësive të evidentuara nga vetë Forca Detare dhe se dyqani i celulareve i kontraktuar për mirëmbajtjen e radarëve të detit, operonte si kompani që në kohën e qeverisë së djathtë.
Në kundërpërgjgije ish- kryeministri Berisha e ftoi t’i drejtohej organit të akuzës për pretendimet e ngritura, ndërsa e akuzoi për afera me Kryeministrin. Ndërsa ish-Ministri i Mbrotjes, Arben Imami, sqaroi se Ministria e Mbrojtes e drejtuar prej tij i kishte shkëputur marrëdhëniet me këtë kompani për mospërmbushje të kontratës. /tvklan/
