TIRANË- Partia Demokratike vazhdon akuzat ndaj Kryeministrit Edi Rama lidhur me tenderin e makinave Jaguar. “është një aferë e pastër, sepse që nga përcaktimi i markës së makinës “Jaguar”, e deri tek lloji i saj më i fundit, të gjitha këto të shkruara e zeza mbi të bardhë, tregojnë se Edi Rama ka vendosur ti marrë mjetet e shtrenjta tek miku i tij Agron Papuli”, tha deputetja demokrate, Albana Vokshi. “Dihet se këto automjete, në Shqipëri i ka koncesionari i Agron Papulit, mikut të Edi Ramës. Ky është rasti i vetëm në botë, ku përcaktohet nga Kryeministri që në fillim lloji i makinës dhe dyqani ku duhet marrë”, vijoi ai. Të gjithë tenderat bëhen pa garë dhe fituesit janë të paracaktuar, theksoi Vokshi. Ndërkaq Qeveria një ditë më parë në transparenca.al sqaroi se makinat qeveritare janë të vjetëruara dhe tenderi në fjalë është për makina me qira, që kushtojnë më pak.
faksimile e shkreses
