TIRANE- Ish-Kryeministri Sali Berisha nga foltorja e Parlamentit ka akuzuar Kryeministrin Edi Rama edhe për tenderin e dekoderave që Ministria e Mirëqenies Sociale do t’i blejë nga ‘Digitalb’ për t’ua shpërndarë të varfërve. Ndërkohe Rama nuk gjendej në sallën e seancës plenare, u largua kur fjalën e mori deputeti i PD-së.
Pjesë nga fjala e Berishës në Parlament
‘Top Channel’ është në pikiatë dhe nuk ka asnjë arsye tjetër përveç Edi Ramës i cili si manjak, dikton çdo lajm. Shikoni audiencën e këtij TV. Dhe Rama çfarë bën: 3 mln USD nga fondi për hukarajtë nuk ua jep drita, shkolla ilaçe por dekodera te ‘Digitalb’. Aq më tepër që është fol se Rama është aksioner i ‘Digitalb’.
