Sipas Meteoalb, orët e paradites do të paraqiten me alternime kthjellimesh dhe vranësirash të shpeshta të cilat hera-herës do të zhvillohen duke gjeneruar rrebeshe shiu si edhe stuhi të forta ere.
Në zonat e thella malore do të rishfaqet dëbora. Gjatë orëve të pasdites dhe në vijim vranësirat do të shtohen në të gjithë vendin duke sjellë shira me intensitet mesatar dhe lokalisht intensivë.
Temperaturat e ajrit do të pësojnë rritje në vlerat minimale, por ulen maksimumet duke luhatur vlerat ditore 5°C vlera më e ulët e shënuar në qytetin e Peshkopisë deri në 21°C vlera maksimale e cila do të regjistrohet përkatësisht në Vlorë dhe Sarandë.
Era do të fryjë sërish e fortë me shpejtësinë mbi 60 km/h nga drejtimi jugor, gjë do të bëjë që në brigjet detare të gjenerohet dallgëzim 5 ballë.
