Temperaturat e ulëta dhe moti i keq ka përfshirë vendin, ndërkohë që shumë zona janë mbuluar nga dëbora.
ARRSH ka dhënë një njoftim mbi gjendjen e akseve nacionale. Bëhet me dije se reshje dëbore ka pasur në akset: Boboshticë-Dardhë, Qafë Thanë-Kapshticë, Fushë Stude-Klenjë, Bajram Curri-Valbonë, Kukës-Ura e Zapodit, Qafë Mali-Fierzë, Dedaj-Razëm-Bogë, Kuben-Vasije, Qafë Qelë-Pukë-Fushë Arrëz-Fushë Dukagjin, por pa sjellë probleme me qarkullimin.
ARRSH ka bërë një apel për drejtuesit e mjeteve: “Gjatë orëve në vijim priten temperatura të ulëta deri në -17°C në zonat malore, duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”./Opinion.al
